పోలీసులు ఎగిరి, ఎగిరి తన్నారు

రాజన్న సిరిసిల్ల జిల్లా  నూతన సంవత్సర వేడుకల సందర్భంగా ఉత్సాహంలో మునిగిన కొంతమంది యువతను అర్ధరాత్రి దాటిన తర్వాత పోలీసులు విచక్షణారహితంగా దాడి చేశారు. కొత్త సంవత్సర వేడుకల్లో కొంతమంది యువకులు పార్టీలు చేసుకొని ఇండ్లలోకి వెళ్తున్న క్రమంలో రోడ్లపై ఉన్న పోలీసులు అడ్డుకొని చితకబాదారు. కర్రలతో దాడి చేయడంతో పాటు, కొంతమంది పోలీసులు ఎగిరి, ఎగిరి తన్నిన వీడియోలు సోషల్ మీడియాలో వైరల్ గా మారాయి.
 కేటీఆర్ ప్రాతినిధ్యం వహిస్తున్న జిల్లా కేంద్రంలో ఇలాంటి సంఘటనలు జరగడం పట్ల స్థానికులు నిరసన వ్యక్తం చేస్తున్నారు.
మత్తులో ఉన్న యువకులు ఒకవేళ దురుసుగా ప్రవర్తిస్తూ, వారి ఇంటికి గాని లేదా పోలీస్ స్టేషన్ కు గాని తరలించాల్సి ఉన్నప్పటికీ చేయి చేసుకోవడం ఫ్రెండ్లీ పోలీస్ కు అర్థం లేకుండా పోతుందని, విమర్శలు వెల్లువెత్తుతున్నాయి.